Seggwiesen

Mien leefsten Epigramme, Spröken, Seggwiesen un Lüüdsnacks

 

Aal un Stuten gifft smerige Snuten!

As de Backen, so de Hacken!

As de Boom, so de Beern, as de Fru, so de Deern!

As de Olen sungen, so piept ok de Jungen!

As „Harr ik“ keem, weer „Heff ik“ weg!

As ik sülven denk un do, dat tru ik ok mien Naver to!

Beter meernmang as achteran!

Beter ’n goden Naver as ’n Fründ mit scheve Hacken!

Beter ’n lütten Fisch, as gor keen op ‘n Disch!

Beter ’n lütten Herr as ’n groten Knecht!

Beter ’n lütten Kööm in de Morgentiet as ’n ganzen Dag gor keen!

B‘nn Peerkoop un bi‘n Freen mutt een de Ogen opdoon!

Bi Unweder köönt sogor de Fulen lopen!

Bliev op de Eer, denn fallst nich vun’n Böön!

Borgen maakt Sorgen, wenn ok nich hüüt, so doch morgen!

Buten laat den Storm man fegen, binnen Glück lett allens dregen!

Dat dicke Enn kummt to‘n Sluß!

Dat Ene wat‘n will, dat Anner, wat‘n mutt!

Dat Enn vun‘t Swien is de Anfang vun de Wust!

Dat geiht narms bunter to as op de Welt!

Dat Geld verslitt weller as de Botter an ‘e Sünn!

Dat is nich to fett: Speck in Botter to braden!

Dat löppt sik allens weller torecht, blots keen scheve Steveln!

De Appel fallt nich wiet vun‘n Plummboom!

De besten Tieden sünd de Mahltieden!

De Butensiet vun ‘n Minschen speelt keen Rull!

De Flicken mutt jümmers grötter as dat Lock sien!

De goot smeert, de goot föhrt!

De Grütt warrt nich so hitt opeten as se opfüllt is!

De Hannen in ‘n Schoot, dat gifft keen Broot!

De is klook un ok gelehrt, de all de Saken to‘n Besten kehrt!

De jung nix lehrt, is oolt nix weert!

De Kööksch un Katt hebbt jümmers watt!

De lüttste Daat tellt mehr as de gröttste Afsicht!

De Minsch warrt jümmers to fröh oolt un to laat klook!

De klööksten Stüerlüüd sitt jümmers op’t Dröge!

Den Gott strafen will, bruukt he blots en slimmen Naver geven!

De ´n groten Noors hett, mutt ok‘n grote Büx hebb´n!

De nich kummt to rechte Tiet, den geiht licht de Mahltiet quitt!

De nix waagt, de nix winnt!

De sik nich to hölpen weet, de is nich weert, wat he in‘e Klemm kummt!

De veel fraagt, warrt ok veel wies!

De Will is meist mehr as de Gaav!

Do Du dat Diene, Gott deit dat Siene!

Dörch de Welt kaamt wi all, man blots nich liek goot!

Dörch Schaden warrt ´n klook avers ni nich riek!

Döst maakt ut Water Wien!

Doon is’n Ding; snacken köönt se all!

Dor günn mi ener wat he will, so geev em Gott dreemal soveel!

Dor hüürt mehr to‘n Danzen as ’n Poor Schoh!

Dor kummt jümmers wat Nieges op, see de Jung, dor sull he baden!

Dor warrt narms mehr logen as wo snackt warrt!

Dor warrt nich bidreiht, warrt nich refft, ehr wi dat Enn tofaten hefft!

Do‘t mit Gewalt, see de Deern, denn do ik keen Sünn!

Do, wat Du wullt, de Lüüd snackt doch!

Dree Daag Sünn un en Dag natt, dorvun höllt de Buer wat!

Drööm ni Dien Leven, leev Dien‘n Droom!

Een kann allens eten, man nich allens weten!

Een kann mehr afluern as aflopen!

Een kann nich so dösig dinken as dat kamen kann!

Een mutt de Lüüd snacken laten; de Göös, de künnt dat nich!

Een mutt nich höger kladdern, as de Boom Telgens hett!

Een warrt to fröh oolt un to laat klook!

Egenloff stinkt, Fründ sien Loff hinkt!

Ellernholt un rode Hoor sünd ut goden Grunde roor!

En böös Muul driggt wieder as de Fööt dregen köönt!

En, de mitgeiht, is beter to bruken as twee, de nakaamt!

En goden Dokter is wichtiger as en schöön Krankenhuus!

En goden Drunk maakt Olle weller jung!

En goden Fründ is mehr wiert as hunnert Verwandte!

En goden Naver is mehr weert as en wieden Fründ!

En godes Woort is as dree Daag Sünnenschien!

En godet Peer treckt tweemal an!

En goot Woort kost nix!

En Handvull Hannel is beter as ‘n Wagen vull Arbeit

En Minsch leevt, de anner warrt blots öller!

En Muul as ’n Koh un bitt liekers doch bito!

En sitten Mors kann veel bedenken!

En Slötel, de bruukt warrt, is jümmers blank!

En smucke Fru is en gefährlich Stück Mövel!

Eet, wat goor is; segg, wat wohr is un drink wat kloor is!

Eten un Drinken höllt Lief un Seel tohoop!

För gode Frünn’n un gode Tiet sünd alle Daag mien Dören wiet!

Freen is keen Peerhannel!

Geiht narms verrückter to as in de Welt!

Geiht nich, gifft nich!

Gode Wöör, de kost keen Geld!

Goot Bispill is de halv Predigt!

Goot Will bruukt keen Brill!

Heeg wat, hett wat!

Heev-op hett wat, Freet-op hett nix!

He glöövt dat nich, wat dat Regen gifft, bit em dat ut de Steveln drift!

He is’n bannig Kloken, he kann dörch’n Brett kieken, wo’n Lock bin is!

He is‘n bannig Kloken, he kann Kattenschiet in’n Düüstern rüken!

Höög Di, frei Di, wees fidel – denn deist wat Godes för Dien Seel!

Hooch or Platt, dröög or natt, groff or fien, - man echt mutt dat sien!

Hool Di goot un stött Di nich vör´n Foot!

Ik gah mit Di wohin Du wullt, man blots na vörn mutt dat gahn!

Ik wull, wat all Daag Sünndag weer un Eten un Drinken mien Handwark!

Ik will je geern bi‘t Eten sitten, wenn ik man bi de Arbeit ligg’n kann!

In Niestadt sünd de Fischer klook, se maakt ut Silver Gold mit Rook!

In’n Kööm versuupt mehr Minschen as in’t Water!

Is de Branntwien in’n Mann – is de Bregen in‘e Kann!

Is de Buuk vull, is de Kopp dull!

Is de Katt nich in‘t Huus, danzt de Müüs op ‘n Disch!

Is de Spriet in’n Kopp, is de Verstand in de Buddel!

Is nix ungesünner as dat Kranksien!

Ja, ja, söök Du in‘n Hunn‘nstall no‘n Knackwust!

Jedeen frieg sien Navers Kind, denn so weet he, wat he find´t!

Je duller Du fohrst, je ehr büst in‘n Moors!

Je duller as’n den Kater strakelt, je höger böhrt he den Steert!

Je höger de Aap stiggt, je mehr wiest he sien’n Nors!

Kannst Die dreih’n as Du wullt, de Noors blifft jümmers achtern!

Keen alltoveel Bedenken heegt, bringt ok ni alltoveel toweeg!

Keen anfangt mit Lögen, hüürt op mit Bedregen!

Keen denn Brie anröhrt, de mutt em ok opeten!

Keen en goden Dag hebb‘n will, de mutt sik en‘n maken!

Keen jümmers torüchkiekt, de süht nich, wat op em tokummt!

Keen jung nix lehrt, is oolt nix wehrt!

Keen sik an ’n Esel schüert, de kriggt ok Hoor vun em!

Keen slöppt, de sünnigt nich, blots keen sünnigt, de slöppt beter!

Kiek in de Sünn un nich in´t Muuslock!

Kiek mal weller in!

Kinnermund deiht Wohrheit kund!

Kinner slaapt sik groot!

Kloke Höhner leggt ok mal in de Netteln un verbrennt sik den Noors!

Klook sünd se all, avers plietsch mutt´n sien!

Klookschieters un Meckerbüdels dröfft buten blieven!

Kööm lööst keen Problem,-  man Water ok nich!

Koffie un Leev sünd hitt an‘n besten!

Kumm rin un snack Di ut, go rut un holl Dien Snut!

Kummst över´n Hund kummst över´n Steert!

Kumm, wi gaht angeln, se de Fischer to‘n Worm!

Lehrer un Ossens arbeidt´ beid´ mit´n Kopp!

Lehr wat, so weetst wat; spoor wat, so hest wat!

Lever Buukwehdaag vun toveel Beer as vun toveel Döst!

Lever goot un hööglich leven, as dat Geld to’n Dokter dregen!

Lever meernmang as blots dorbi!

Lever ’n Dickkopp as ’n Dööskopp!

Lever ’n lütten Herr as ’n groten Knecht!

Lütt Kinner - lütte Sorgen, groot Kinner - grote Sorgen!

Lüüd laat af vun‘n Alkohol, blots in‘n Koffie liggt juun Wohl!

Meent buten de Welt dat noch so groff, holl fast an Dien egen Huus un Hoff!

Mien Hart sleit för Niestadt in Holsteen!

Mit de Arbeet kannst ´n Barg Tiet vertrödeln!

Mit en Noors kannst even nich op twee Hochtieden danzen!

Mit Höpen un Högen kummst beter dörch´t Leven!

Mit Lüüd, de opgaht as‘n Pufferdeeg, dor kumm ik ni nich op de Reeg!

Nimm de Lüüd so as se sünd un nich so, as se wull wesen kunn‘n!

Nimm Di nix vör, denn sleit Di nix quer!

Nix is ungesunner as ‘nKrankheet!

Noot lehrt beden un Hunger lehrt Pannkoken eten!

Ogen op un rechten Kurs, sonst süppst Du af un geihst in‘n Moors!

Ok lütt Kinner hebbt al Ohren!

Ok ünner dat smuckste Kleed stickt ofteens ok veel Leed!

Oolt warr‘n kann wull männich Mann, jung blieven – dor kümmt dat op an!

Oolt warr‘n will jedereen, man öller warr‘n keeneen!

Op jedeen Grapen passt ok en Stölper!

Op´n hölten Amboss kannst keen Iesen smeden!

Över wat Du nich Herr büst, dat is Herr över Di!

Pack sleit sik, Pack eit sik!

Plattdüütsch snacken is keen Schann, dat hüürt to uns nich blots op’n Lann!

Reck Di nich höger as de Boom Telgen hett!

Regen is goot för Modder´s Kohl, man nich för Vadder´s Heu!

Richtig tell´n un ehrlich meten, dröff en Koopmann nich vergeten!

Roden Avend un griesen Morgen bringt goot Weder!

Rootwien is för olle Knaven, ene vun de beter´n Gaven!  

Schaad üm den schönen Döst, see de Muskant, dor drünk he dat schiere Water!

Snacken köönt se all, aver Doon is´n Ding!

So de Boom, so de Beern. So de Modder, so de Deern!

Söök Dien Bruut in‘n Stall un nich op‘n Ball!

Speck in de Pann, Beer in de Kann, Grütt in‘t Fatt, dat is wat!

Steiht in‘n November noch dat Koorn, is sachts wat vergeten worr‘n!

Stah fast, kiek wiet un röög Di!

Suup Di duun un freet Di dick, man hool dat Muul vun Politik!

Swiegen un Denken deit keen en kränken!

Tohuus is woneem Dien Hart is!

Tru Di wat, snack weller Platt!

Tru keen Oss vun vörn, keen Pierd vun achtern un keen Minschen üm Di to!

Twüschen Lebber un de Milz passt ok jümmers noch ’n Pils!

Ut dicke Telgens laat sik meist keen Flitzbagens mehr maken!

Ut‘n  Swienssteert lött sik keen sieden Halsdook maken!

Veel un lang Snee, vull Frucht un Klee!

Verdregen is dat Best an‘n Striet!

Vergnögen is un blifft tomeist dat beste Gegengift!

Versuupt wi nich in Soltwater, versuupt wi in Söötwater!

Vundaag fangt de Rest vun mien Leven an!

Warm Wöör sünd beter as koles Swiegen!

Wat de Buer nich kennt, dat fritt he nich!

Wat de Buer nich mutt, dat deit he nich!

Wat de En nich noog hett, hett de Anner toveel!

Wat den En sien Uul, is den Annern sien Nachtigall!

Wat de Olen singt in de Kaat, dat singt de Kinner op de Straat!

Wat Du nich in‘n Kopp hest, dat must in de Been hebb‘n!

Wat een sik inkröömt, datt mutt een ok utlöpeln!

Wat goot is för de Küll, is ok goot för de Hitten!

Wat ik nich heff, dat bruuk ik nich, wat ik nich weet, dat plaagt mi nich!

Wat ik sülven denk un do, dat tro ik ok den Annern to!

Wat jung is, dat speelt, wat oolt is, dat nölt!

Wat mutt, dat mutt!

Wat´n nich in´n Kopp hett, mutt´n in de Fööt hebb´n!

Wat Recht is, mutt Recht blieven!

Wenn de Boom is groot, is de Planter doot!

Wenn de Fisch braadt is, hölpt em dat Water ok nich mehr!

Wenn de Hund satt is, denn lett he dat Knurr´n!

Wenn de Muus satt is, smeckt dat Mehl bitter!

Wenn de Sünn vun´n Heven fallt, sitt wi all in´n Düüstern!

Wenn de Swien satt sünd, stööt se den Trog üm!

Wenn de Tiet dor is, denn hölpt keen Dokter un Afteker!

Wenn Du in‘t Füer blaast, denn fleegt Di ok Funken in‘t Hoor!

Wenn Du nich ollig schippern kannst, denn bliev tohuus un bliev an Land!

Wenn een Fraktur snackt, is dat nich jümmers en Fremdspraak!

Wenn ‘t Glück regent, heff ik jümmers mien Schöttel to Huus laten!

Wenn ‘t Mallöör will, fallst op‘n Rüüch un brickst Di de Nees!

Wies mi Dien Ploog un ik weet genoog!

Wi hebbt all en Hart, man blots nich liek groot!

Wi köönt nich länger Freden hebben as uns Naver dat will!

Wi staht dor för, wi mööt dor dör!

Wo de Hahn kratzt, dor will he wiss ok wat finnen!

Wokeen dat Muul wiet opritt, is noch lang keen Lööv!

Wokeen de Ogen nich opdeit, mutt den Büdel opmaken!

Wokeen en goden Dag hebb’n will, de mutt sik enen goden maken!

Wokeen nix verlangt, de kriggt ok nix!

Wokeen sik to‘n Pannkoken maakt, warrt faken dorför opeten!

Wokeen spoort, wenn he hett, de findt wenn he bruukt!

Wokeen veel fraagt, de warrt veel wies!